LurtaMetan um játtanina fyri 2017 og roknskapurin 07-2017 er liðugur at avgreiða
Góðu stovnsleiðarar
Í sambandi við góðkenning av roknskapinum fyri 07-2017, skulu stovnsleiðarar í roknskapargóðkenningarskipanini (RGS) meta um frávik í mun til játtanina fyri 2017, og áseta hetta við eini upphædd og frágreiðing.
Legg til merkis
- at talið fyri meirnýtslu ella minni inntøku verður skrivað uttan fortekn og
- at talið fyri minni nýtslu ella meirinntøku verður skrivað við negativum fortekni.
Stovnsleiðarar kunnu í tíðarskeiðnum frá hósdegnum 24. august til og við týsdagin 5. september góðkenna stovnsroknskapir.
Aðalstjórar kunnu í tíðarskeiðnum frá mikudegnum 6. september til og við týsdagin 12. september góðkenna greinaroknskapir.
Tað ber til hjá stjórnarráðnum at góðkenna roknskapin innan 6. september. Tað er tó við teirri treyt, at allir stovnsleiðararnir undir stjórnarráðnum hava góðkent roknskap sín, tí tá ið stjórnarráðið hevur góðkent roknskapin, verður greinaroknskapurin stongdur, og tá kann stovnsleiðarin ikki vátta og gera viðmerkingar.
Mikudagin 13. september verður tíðarskeið 2017-07 stongt.
