Metan um játtanina fyri 2021 og roknskapurin 2021-07 er liðugur at avgreiða

Í sambandi við góðkenning av roknskapinum fyri 07-2021, skulu stovnsleiðarar í roknskapargóðkenningarskipanini (RGS) meta um frávik í mun til játtanina fyri 2021, og áseta hetta við eini upphædd og frágreiðing.

Legg til merkis

• at talið fyri meirnýtslu ella minni inntøku verður skrivað uttan fortekn og
• at talið fyri minni nýtslu ella meirinntøku verður skrivað við negativum fortekni.

 

Stovnsleiðarar kunnu í tíðarskeiðnum frá týsdegnum 24. august til og við mikudagin 1. september góðkenna stovnsroknskapir.

Aðalstjórar kunnu í tíðarskeiðnum frá hósdegnum 2. september til og við hósdagin 9. september góðkenna greinaroknskapir.

Tað ber til hjá stjórnarráðnum at góðkenna roknskapin innan 2. september. Tað er tó við teirri treyt, at allir stovnsleiðararnir undir stjórnarráðnum hava góðkent roknskap sín, tí tá ið stjórnarráðið hevur góðkent roknskapin, verður greinaroknskapurin stongdur, og tá kann stovnsleiðarin ikki vátta og gera viðmerkingar.

Fríggjadagin 10. september verður tíðarskeið 2021-07 stongt.