Størv

Í løtuni er eitt starv leyst at søkja.

KT samskipari til Gjaldstovuna

___________

Gjaldstovan er elsti fyrisitingarligi stovnur í Føroyum. Gjaldstovan varð stovnað í 1939 og hevur verið kjarnin í almennari búskaparstýring. Seinnu árini er virkisøkið hjá Gjaldstovuni víðkað til at vera KT stovnurin hjá landinum og at standa fyri at talgilda Føroyar.

Fokusøkið hjá Gjaldstovuni er at skapa eina munadygga fyrisiting, útvega avgerðartakarum upplýsingar og at talgilda tilgongdir og tænastur.

Gjaldstovan er skipað í fýra høvuðsøki:

  -  Løn & Roknskapur Landsins
  -  Búskaparskipan Landsins
  -  KT Landsins
  -  Talgildu Føroyar

Høvuðsskrivstovan er í Albert Hall á Argjum, og skrivstova er eisini í Klaksvík. Vit eru á leið 70 starvsfólk.

Løn & Roknskapur Landsins Gjaldstovan rekur Búskaparskipan landsins, sum 100 stovnar brúka. Búskaparskipan landsins er karmurin um at seta upp almenna konsernroknskapin, sum er 12 milliardir krónur í útreiðslum. Um skipanina verða gjørdar ein millión útgjaldingar, sum til samans eru 12 milliardir krónur um árið. Tað verða avgreiddar lønir til fimtan túsund fólk og hálvfjórða milliard krónur verða goldnar út árliga í lønum.

KT Landsins veitir landsins stovnum felags KT undirstøðukervi, nevnt Landsnet. Nøkur av málunum við Landsneti eru at skapa munadyggar loysnir, stórrakstur, savna vitan og økja um KT trygdina. Tað eru í dag 60 stovnar, sum til samans hava áleið 2.300 brúkarar, sum brúka Landsnet. Pallurin undir Landsneti er millum annað 400-500 servarar. Vit arbeiða støðugt við at bjóða nýggjar tænastur á Landsneti og hetta merkir, at talið av brúkarum verður minst tvífaldað næstu tvey árini.

Talgildu Føroyar Í 2016 vóru Talgildu Føroyar skipaðar undir Gjaldstovuni. Verkætlanin hevði til endamáls at menna eitt talgilt undirstøðukervi. Fyrsti táttur av Talgildu Føroyum var m.a. ein talgildur samleiki, ein borgaraportalur og at styrkja um grundardátur, sum eru ein fyritreyt fyri talgilding.

Fyrsti táttur av Talgildu Føroyum er liðugur, og farið verður nú undir annan tátt, har týðandi partur verður at gagnnýta tað undirstøðukervi, sum longu er ment.