Gjaldstovan við á Jobmatch 2024

Gjaldstovan er við á Jobmatch 2024. Jobmatch er árliga starvsstevnan, har høvi er at koma í samband við stóran part av tí føroyska arbeiðsmarknaðinum.

Okkara virksemi er skipað í trý høvuðsøki: KT Landsins, Løn & Bókhald Landsins og Talgildu Føroyar. Vit eru á leið 70 starvsfólk. Høvuðssætið er í Albert Hall á Argjum, og ein skrivstova er í Klaksvík. Vit hava góðar arbeiðsumstøður og dugnalig og ágrýtin starvsfólk. Vit leggja dent á, at starvsfólk trívast og mennast, og vit skipa javnan fyri fakligum og sosialum tiltøkum.

Jobmatch verður í Norðurlandahúsinum mánadagin 30. desember kl. 12.00 - 17.00.

Gjaldstovan er á básunum # 26-28 í Stórhøllini saman við Hagstovuni og Landsbankanum.

Bílegg jobprát og vitja síðuna Jobmatch.fo.