Skeið

Týðandi fyri, at alt skal virka úrslitagott, er, at vit skilja, duga og gera tað ymsa á sama hátt.

Tí bjóða vit skeið á hesum tænastuøkjum, t.e.:

• upplýsingar at stýra við
• roknskapur og bókhald
• lønir og lønarupplýsingar
• KT

Málbólkarnir eru fólk á stovnum og kommunum, sum starvast innan virkisøkið hjá Gjaldstovuni.

Skeiðskatalog verður gjørt tvær ferðir um árið, um várið og um heystið. Í skeiðskataloginum eru uml. 25 ymisk skeið. Flestu skeiðini eru við fastari skrá og undirvíst verður í frálæruhølunum í Albert Hall. Nøkur skeið eru eftir avtalu og skráin verður løgd í samstarvi við stovnin, sum bíleggur skeiðið.