Skuldarmark

Skuldarmarkið (áður álíkning) hjá kommunum, áðrenn loyvi krevst frá landsstýrismanninum til lántøku, er ásett í grein 43, stk. 2 í Kommunustýrislógini frá 17. mai 2000:

“Er nettoskuldin meira enn eina álíkning eftir einum av landsstýrismanninum árliga ásettum skattaprosenti, krevst loyvi frá landsstýrismanninum til lántøku og til broytingar í lánitreytunum.”

Inntøkugrundarlagið hjá kommununum er ásett í Kunngerð nr. 167 frá 20. desember 2023 um at rokna inntøkugrundarlag og nettuskuld sambært kommunustýrislógini og fevnir um hesar inntøkur:

- Persónsskattur (kommunuskattur)
- Skattur av eftirløn
- Endurgjald vegna DIS, FAS og frádráttir

Persónsskatturin verður roknaður við einum satsi upp á 23% uttan mun til skattaprosentið í tí einstøku kommununi. Partafelagsskattur verður ikki roknaður upp í inntøkugrundarlagið.

Nettoskuld verður uppgjørd sum samlað skuld minus umsetiliga ogn, t.e. at støðisogn er ikki partur av útrokningini.

 

Heiti	Seinast dagført	Snið
Álíkning og skuldarlutfall hjá føroyskum kommunum	22.08.2024